ہر ایک شام مجھے یوں خیال آتا ہے

ہر ایک شام مجھے یوں خیال آتا ہے

کہ جیسے ٹاٹ کا میلا پھٹا ہوا پردہ

تمہارے ہاتھ کی جنبش سے کانپ جائے گا

کہ جیسے تم ابھی دفتر سے لوٹ آؤ گے

مجھے تو یاد نہیں کچھ تمہارے سر کی قسم

مگر پڑوس کی لڑکی بتا رہی تھی کہ میں

اب اپنی مانگ میں افشاں نہیں سجاتی ہوں

توے پہ روٹیاں اکثر جلائی ہیں میں نے

شکر کے بدلے نمک چائے میں ملاتی ہوں

وہ کہہ رہی تھی کہ ننگی کلائیاں میری

تمام عمر یوں ہی چوڑیوں کو ترسیں گی

غموں کی دھوپ میں جلتے ہوئے اس آنگن پر

مسرتوں کی گھٹائیں کبھی نہ برسیں گی

وہ کہہ رہی تھی کہ تم اب کبھی نہ آؤ گے

گلی کے موڑ پہ لیکن ہر ایک شام مجھے

تمہارے قدموں کی آہٹ سنائی دیتی ہے

ہر ایک شام مجھے یوں خیال آتا ہے

کہ جیسے تم ابھی دفتر سے لوٹ آؤ گے

har ek sham mujhe yun khayal ata hai

ke jaise tat ka maila phata hua parda

tumhare hath ki jumbish se kanp jaega

ke jaise tum abhi daftar se laut aoge

mujhe to yad nahin kuchh tumhare sar ki qasam

magar paros ki larki bata rahi thi ke main

ab apni mang mein afshan nahin sajati hun

tawe pe rotiyan aksar jalai hain main ne

shakar ke badle namak chae mein milati hun

wo kah rahi thi ke nangi kalaiyan meri

tamam umr yun hi chauriyon ko tarsengi

ghamon ki dhup mein jalte hue is angan par

masarraton ki ghataen kabhi na barsengi

wo kah rahi thi ke tum ab kabhi na aoge

gali ke mor pe lekin har ek sham mujhe

tumhare qadmon ki ahat sunai deti hai

har ek sham mujhe yun khayal ata hai

ke jaise tum abhi daftar se laut aoge