کب تلک خوابوں سے دھوکہ کھاؤ گی

کب تلک خوابوں سے دھوکہ کھاؤ گی

کب تلک اسکول کے بچوں سے دل بہلاؤ گی

کب تلک منا سے شادی کے کرو گی تذکرے

خواہشوں کی آگ میں جلتی رہو گی کب تلک

چھٹیوں میں کب تلک ہر سال دلی جاؤ گی

کب تلک شادی کے ہر پیغام کو ٹھکراؤ گی

چائے میں پڑتا رہے گا اور کتنے دن نمک

بند کمرے میں پڑھو گی اور کتنے دن خطوط

یہ اداسی کب تلک

کب تلک نظمیں لکھو گی

رؤو گی یوں رات کی خاموشیوں میں کب تلک

بائبل میں کب تلک ڈھونڈو گی زخموں کا علاج

مسکراہٹ میں چھپاؤ گی کہاں تک اپنے غم

کب تلک پوچھو گی ٹیلیفون پر میرا مزاج

فیصلہ کر لو کہ کس رستے پہ چلنا ہے تمہیں

میری بانہوں میں سمٹنا ہے ہمیشہ کے لیے

یا ہمیشہ درد کے شعلوں میں جلنا ہے تمہیں

کب تلک خوابوں سے دھوکے کھاؤ گی

kab talak khwabon se dhoka khaogi

kab talak iskul ke bachchon se dil bahlaogi

kab talak mana se shadi ke karogi tazkire

khwahishon ki ag mein jalti rahogi kab talak

chhuttiyon mein kab talak har sal dilli jaogi

kab talak shadi ke har paigham ko thukraogi

chae mein parta rahega aur kitne din namak

band kamre mein parhogi aur kitne din khutut

ye udasi kab talak

kab talak nazmen likhogi

roo gi yun rat ki khamoshiyon mein kab talak

baibil mein kab talak dhundogi zakhmon ka ilaj

muskurahat mein chhupaogi kahan tak apne gham

kab talak puchhogi telifon par mera mizaj

faisla kar lo ke kis raste pe chalna hai tumhen

meri banhon mein simatna hai hamesha ke liye

ya hamesha dard ke sholon mein jalna hai tumhen

kab talak khwabon se dhoke khaogi