کسی کی یاد ستاتی ہے رات دن تم کو

کسی کی یاد ستاتی ہے رات دن تم کو

کسی کے پیار سے مجبور ہو گئی ہو تم

تمہارا درد مجھے بھی اداس رکھتا ہے

قریب آ کے بہت دور ہو گئی ہو تم

تمہاری آنکھیں سدا سوگوار رہتی ہیں

تمہارے ہونٹ ترستے ہیں مسکرانے کو

تمہاری روح کو تنہائیاں عطا کر کے

یہ سوچتی ہو کہ کیا مل گیا زمانے کو

گلہ کرو نہ زمانے کی سرد مہری کا

کہ اس خطا میں زمانے کا کچھ قصور نہیں

تمہارے دل نے اسے منتخب کیا کہ جسے

تمہارے غم کو سمجھنے کا بھی شعور نہیں

تم اس کی یاد بھلا دو کہ بے وفا ہے وہ

ہر ایک دل نہیں ہوتا تمہارے دل کی طرح

تم اپنے پیار کو رسوا کرو نہ رو رو کر

تمہارا پیار مقدس ہے بائبل کی طرح

اب اس کے واسطے خود کو نہ یوں تباہ کرو

اب امتحاں کی تمنا سے فائدہ کیا ہے

وہ آسماں کہ جسے تم نہ چھو سکو گی کبھی

اس آسماں کی تمنا سے فائدہ کیا ہے

kisi ki yad satati hai rat din tum ko

kisi ke pyar se majbur ho gai ho tum

tumhara dard mujhe bhi udas rakhta hai

qarib a ke bahut dur ho gai ho tum

tumhari ankhen sada sogwar rahti hain

tumhare hont taraste hain muskurane ko

tumhari ruh ko tanhaiyan ata kar ke

ye sochti ho ke kya mil gaya zamane ko

gila karo na zamane ki sard mehri ka

ke is khata mein zamane ka kuchh qusur nahin

tumhare dil ne use muntakhab kiya ke jise

tumhare gham ko samajhne ka bhi shuur nahin

tum us ki yad bhula do ke be wafa hai wo

har ek dil nahin hota tumhare dil ki tarah

tum apne pyar ko ruswa karo na ro ro kar

tumhara pyar muqaddas hai baibil ki tarah

ab us ke waste khud ko na yun tabah karo

ab imtihan ki tamanna se faida kya hai

wo asman ke jise tum na chhu sakogi kabhi

is asman ki tamanna se faida kya hai