سارے وطن کے راج دلارے

سارے وطن کے راج دلارے

صدر حکومت ذاکر پیارے

بھارت ماں کی آنکھ کے تارے

صدر حکومت ذاکر پیارے

بنیادی تعلیم کے بانی

حب وطن کی زندہ کہانی

علم کے دریا امن کے دھارے

صدر حکومت ذاکر پیارے

معمولی استاد سے بڑھ کر

بن گئے سارے ملک کے رہبر

غم سے کبھی ہمت ہی نہ ہارے

صدر حکومت ذاکر پیارے

دیکھ کے تیری جہد مسلسل

چھٹ گئے خود ہی دکھ کے بادل

پھول بنے غم کے انگارے

صدر حکومت ذاکر پیارے

گاندھی جی کے راز کے محرم

اور جواہر لال کے ہمدم

امن و اماں کے پالن ہارے

صدر حکومت ذاکر پیارے

آزادی کے دیپ جلائے

تو نے وطن سے دور بھگائے

عہد غلامی کے اندھیارے

صدر حکومت ذاکر پیارے

مشترکہ تہذیب کے مظہر

عجز و خلوص اخلاق کے پیکر

سب کی امیدوں کے سہارے

صدر حکومت ذاکر پیارے

تو ہے وطن کا رہبر سچا

کیوں نہ وطن کا بچہ بچہ

نام ترا عزت سے پکارے

صدر حکومت ذاکر پیارے

sare watan ke raj dulare

sadr-e-hukumat zakir pyare

bharat man ki ankh ke tare

sadr-e-hukumat zakir pyare

buniyadi taalim ke bani

hub watan ki zinda kahani

ilm ke dariya amn ke dhare

sadr-e-hukumat zakir pyare

maamuli ustad se barh kar

ban gae sare mulk ke rahbar

gham se kabhi himmat hi na hare

sadr-e-hukumat zakir pyare

dekh ke teri jahd-e-musalsal

chhut gae khud hi dukh ke badal

phul bane gham ke angare

sadr-e-hukumat zakir pyare

gandhi ji ke raz ke mahram

aur jawahir lal ke hamdam

amn-o-aman ke palan hare

sadr-e-hukumat zakir pyare

azadi ke dip jalae

tu ne watan se dur bhagae

ahd-e-ghulami ke andhiyare

sadr-e-hukumat zakir pyare

mushtaraka tahzib ke mazhar

ijz-o-khulus-e-akhlaq ke paikar

sab ki ummidon ke sahare

sadr-e-hukumat zakir pyare

tu hai watan ka rahbar sachcha

kyun na watan ka bachcha bachcha

nam tira izzat se pukare

sadr-e-hukumat zakir pyare