ابھی تو دل میں ہے جو کچھ بیان کرنا ہے

ابھی تو دل میں ہے جو کچھ بیان کرنا ہے

یہ بعد میں سہی کس بات سے مکرنا ہے

تو میرے ساتھ کہاں تک چلے گا میرے غزال

میں راستہ ہوں مجھے شہر سے گزرنا ہے

کنار آب میں کب تک گنوں گا لہروں کو

ہے شام سر پہ مجھے پار بھی اترنا ہے

ابھی تو میں نے ہواؤں میں رنگ بھرنے ہیں

ابھی تو میں نے افق در افق بکھرنا ہے

دلیر ہیں کہ ابھی دوستوں میں بیٹھے ہیں

گھروں کو جاتے ہوئے سائے سے بھی ڈرنا ہے

میں منتظر ہوں کسی ہاتھ کا بنایا ہوا

کہ اس نے مجھ میں ابھی اور رنگ بھرنا ہے

ہزار صدیوں کی روندی ہوئی زمیں ہے نسیمؔ

نہیں ہوں میں کہ جسے پہلا پاؤں دھرنا ہے

abhi to dil mein hai jo kuchh bayan karna hai

ye baad mein sahi kis bat se mukarna hai

tu mere sath kahan tak chalega mere ghazal

main rasta hun mujhe shahr se guzarna hai

kanar-e-ab mein kab tak ginunga lahron ko

hai sham-e-sar pe mujhe par bhi utarna hai

abhi to main ne hawaon mein rang bharne hain

abhi to main ne ufuq dar ufuq bikharna hai

diler hain ke abhi doston mein baithe hain

gharon ko jate hue sae se bhi darna hai

main muntazir hun kisi hath ka banaya hua

ke us ne mujh mein abhi aur rang bharna hai

hazar sadiyon ki raundi hui zamin hai nasim

nahin hun main ke jise pahla paon dharna hai