نتیجہ سن کے کئی لوگ بد حواس ہوئے

نتیجہ سن کے کئی لوگ بد حواس ہوئے

خدا کا شکر ہے ہم امتحاں میں پاس ہوئے

صلہ ملا ہے ہمیں سال بھر کی محنت کا

چمک رہا ہے ستارہ ہماری قسمت کا

یہی تو وقت ملا ہے ہمیں مسرت کا

جو فیل ہو گئے وہ کس قدر اداس ہوئے

خدا کا شکر ہے ہم امتحاں میں پاس ہوئے

وہ امتحان میں راتوں کو جاگ کر پڑھنا

وہ نیند آنکھوں میں چھائی ہوئی مگر پڑھنا

وہ آدھی رات سے بستر پہ تا سحر پڑھنا

زہے نصیب وہ لمحات ہم کو راس ہوئے

خدا کا شکر ہے ہم امتحاں میں پاس ہوئے

جو کھیل کود میں دن رات چور رہتے تھے

ہر ایک کھیل میں شامل ضرور رہتے تھے

جو صبح و شام کتابوں سے دور رہتے تھے

جہاں میں آج وہی مبتلائے یاس ہوئے

خدا کا شکر ہے ہم امتحاں میں پاس ہوئے

جنہیں تھا اپنی لیاقت پہ اعتبار بہت

جنہیں خود اپنے قلم پر تھا اختیار بہت

جو اپنے آپ کو سمجھے تھے ہوشیار بہت

انہیں کے ہوش اڑے اور گم حواس ہوئے

خدا کا شکر ہے ہم امتحاں میں پاس ہوئے

natija sun ke kai log bad hawas hue

khuda ka shukr hai ham imtihan mein pas hue

sila mila hai hamen sal bhar ki mehnat ka

chamak raha hai sitara hamari qismat ka

yahi to waqt mila hai hamen masarrat ka

jo fel ho gae wo kis qadar udas hue

khuda ka shukr hai ham imtihan mein pas hue

wo imtihan mein raton ko jag kar parhna

wo nind ankhon mein chhai hui magar parhna

wo adhi rat se bistar pe ta sahar parhna

zahe nasib wo lamhat ham ko ras hue

khuda ka shukr hai ham imtihan mein pas hue

jo khel kud mein din rat chur rahte the

har ek khel mein shamil zarur rahte the

jo subh-o-sham kitabon se dur rahte the

jahan mein aj wahi mubtala-e-yas hue

khuda ka shukr hai ham imtihan mein pas hue

jinhen tha apni liyaqat pe etibar bahut

jinhen khud apne qalam par tha ikhtiyar bahut

jo apne ap ko samjhe the hoshyar bahut

unhen ke hosh ure aur gum hawas hue

khuda ka shukr hai ham imtihan mein pas hue