کتنی محنت سے پڑھاتے ہیں ہمارے استاد

کتنی محنت سے پڑھاتے ہیں ہمارے استاد

ہم کو ہر علم سکھاتے ہیں ہمارے استاد

توڑ دیتے ہیں جہالت کے اندھیروں کا طلسم

علم کی شمع جلاتے ہیں ہمارے استاد

منزل علم کے ہم لوگ مسافر ہیں مگر

راستہ ہم کو دکھاتے ہیں ہمارے استاد

زندگی نام ہے کانٹوں کے سفر کا لیکن

راہ میں پھول بچھاتے ہیں ہمارے استاد

دل میں ہر لمحہ ترقی کی دعا کرتے ہیں

ہم کو آگے ہی بڑھاتے ہیں ہمارے استاد

سب کو تہذیب و تمدن کا سبق دیتے ہیں

ہم کو انسان بناتے ہیں ہمارے استاد

ہم کو دیتے ہیں بہر لمحہ پیام تعلیم

اچھی باتیں ہی بتاتے ہیں ہمارے استاد

خود تو رہتے ہیں بہت تنگ و پریشان مگر

دولت علم لٹاتے ہیں ہمارے استاد

ہم پہ لازم ہے کہ ہم لوگ کریں ان کا ادب

کس محبت سے بڑھاتے ہیں ہمارے استاد

kitni mehnat se parhate hain hamare ustad

ham ko har ilm sikhate hain hamare ustad

tor dete hain jahalat ke andheron ka tilism

ilm ki shama jalate hain hamare ustad

manzil-e-ilm ke ham log musafir hain magar

rasta ham ko dikhate hain hamare ustad

zindagi nam hai kanton ke safar ka lekin

rah mein phul bichhate hain hamare ustad

dil mein har lamha taraqqi ki dua karte hain

ham ko age hi barhate hain hamare ustad

sab ko tahzib-o-tamaddun ka sabaq dete hain

ham ko insan banate hain hamare ustad

ham ko dete hain bahar lamha payam taalim

achchhi baten hi batate hain hamare ustad

khud to rahte hain bahut tang-o-pareshan magar

daulat-e-ilm lutate hain hamare ustad

ham pe lazim hai ke ham log karen un ka adab

kis mohabbat se barhate hain hamare ustad