عزیز ماں مری ہنس مکھ مری بہادر ماں

عزیز ماں مری ہنس مکھ مری بہادر ماں

تمام جوہر فطرت جگا دیے تو نے

محبت اپنے چمن سے گلوں سے خاروں سے

محبتوں کے خزانے لٹا دیے تو نے

بنا بنا کے مٹائے گئے نقوش عمل

ترے بغیر مکمل نہ ہو سکی تصویر

وہ خواب جھانسی کی رانی کو جس نے چونکایا

ترا جہاد مسلسل اسی کی ہے تعبیر

اسے حیات کا سولہ سنگار کہتے ہیں

تری جبیں پہ ہیں کچھ سلوٹیں بھی ٹیکا بھی

نظر میں جذب یقیں دل میں سوز آزادی

دہکتا پھول بھی ہے تو مہکتا شعلہ بھی

ذرا زمین کو محور پہ گھوم لینے دے

سماج تجھ سے ترا سوز و ساز مانگے گی

جمال سیکھے گا خود اعتمادیاں تجھ سے

حیات نو ترے دل کا گداز مانگے گی

aziz man miri hans mukh miri bahadur man

tamam jauhar fitrat jaga diye tu ne

mohabbat apne chaman se gulon se kharon se

mohabbaton ke khazane luta diye tu ne

bana bana ke mitae gae nuqush-e-amal

tire baghair mukammal na ho saki taswir

wo khwab jhansi ki rani ko jis ne chaunkaya

tira jihad musalsal usi ki hai taabir

use hayat ka sola singar kahte hain

tiri jabin pe hain kuchh saluten bhi teka bhi

nazar mein jazb-e-yaqin dil mein soz-e-azadi

dahakta phul bhi hai to mahakta shola bhi

zara zamin ko mehwar pe ghum lene de

samaj tujh se tira soz-o-saz mangegi

jamal sikhega khud etimadiyan tujh se

hayat-e-nau tire dil ka gudaz mangegi