پھول گالوں کو تو آنکھوں کو کنول کہتا رہا

پھول گالوں کو تو آنکھوں کو کنول کہتا رہا

جنگ تھی باہر گلی میں میں غزل کہتا رہا

مر رہے تھے رفتہ رفتہ میرے سب محصور دوست

اور میں مسجد میں رب لم یزل کہتا رہا

شاعری کی اور نظر انداز کی بچوں کی بھوک

چاند کو روٹی کا میں نعم البدل کہتا رہا

آ پڑا دل پر مرے آخر مرا کہنہ وجود

روز دستک دے کے اس گھر سے نکل کہتا رہا

آ گئی آخر مرے سر پر مرے دشمن کی فوج

میں بھی تیاری کروں گا آج کل کہتا رہا

طے نہ کر پایا کبھی اپنا تشخص ہی نسیمؔ

آب زمزم کو ہمیشہ گنگا جل کہتا رہا

phul galon ko to ankhon ko kanwal kahta raha

jang thi bahar gali mein main ghazal kahta raha

mar rahe the rafta rafta mere sab mahsur-e-dost

aur main masjid mein rab-e-lam yazal kahta raha

shayari ki aur nazar andaz ki bachchon ki bhuk

chand ko roti ka main naam albadal kahta raha

a para dil par mire akhir mira kohna wajud

roz dastak de ke is ghar se nikal kahta raha

a gai akhir mire sar par mire dushman ki fauj

main bhi tayyari karunga aj kal kahta raha

tai na kar paya kabhi apna tashakhkhus hi nasim

ab-e-zamzam ko hamesha ganga jal kahta raha