بتا تو اے چمن لایا کہاں سے

بتا تو اے چمن لایا کہاں سے

تری خوشبو تو ملتی ہے فلاں سے

وہ اک صورت جو کل شب خواب میں تھی

یقیناً ہوگی پریوں کے جہاں سے

وہ کہتا ہے کہ تج دے من کی خواہش

ملن کیسا زمیں کا آسماں سے

مرے چھ فٹ کا قد بھی ہار بیٹھا

فقط دو انچ کی لمبی زباں سے

وہیں اٹکی ہوئی ہے سانس میری

کسی سے ربط ٹوٹا تھا جہاں سے

وہ میری زندگی سے یوں ہی نکلی

نکلتا تیر ہے جیسے کماں سے

یقیں کو راہ مل سکتی ہے صاحب

نکل جائے اگر شک درمیاں سے

bata to ai chaman laya kahan se

tiri khushbu to milti hai fulan se

wo ik surat jo kal shab khwab mein thi

yaqinan hogi pariyon ke jahan se

wo kahta hai ke taj de man ki khwahish

milan kaisa zamin ka asman se

mire chhe fit ka qad bhi har baitha

faqat do inch ki lambi zaban se

wahin atki hui hai sans meri

kisi se rabt tuta tha jahan se

wo meri zindagi se yun hi nikli

nikalta tir hai jaise kaman se

yaqin ko rah mil sakti hai sahab

nikal jae agar shak darmiyan se