اب تم آغوش تصور میں بھی آیا نہ کرو

اب تم آغوش تصور میں بھی آیا نہ کرو

مجھ سے بکھرے ہوئے گیسو نہیں دیکھے جاتے

سرخ آنکھوں کی قسم کانپتی پلکوں کی قسم

تھرتھراتے ہوئے آنسو نہیں دیکھے جاتے

اب تم آغوش تصور میں بھی آیا نہ کرو

چھوٹ جانے دو جو دامان وفا چھوٹ گیا

کیوں یہ لغزیدہ خرامی پہ پشیماں نظری

تم نے توڑا تو نہیں رشتۂ دل ٹوٹ گیا

اب تم آغوش تصور میں بھی آیا نہ کرو

میری آہوں سے یہ رخسار نہ کمھلا جائیں

ڈھونڈتی ہوگی تمہیں رس میں نہائی ہوئی رات

جاؤ کلیاں نہ کہیں سیج کی مرجھا جائیں

ab tum aghosh-e-tasawwur mein bhi aya na karo

mujh se bikhre hue gesu nahin dekhe jate

surkh ankhon ki qasam kanpti palkon ki qasam

thartharate hue ansu nahin dekhe jate

ab tum aghosh-e-tasawwur mein bhi aya na karo

chhut jane do jo daman-e-wafa chhut gaya

kyun ye laghzeda khirami pe pasheman nazari

tum ne tora to nahin rishta-e-dil tut gaya

ab tum aghosh-e-tasawwur mein bhi aya na karo

meri ahon se ye rukhsar na kamhla jaen

dhundti hogi tumhen ras mein nahai hui rat

jao kaliyan na kahin sej ki murjha jaen