پیار کا جشن نئی طرح منانا ہوگا

پیار کا جشن نئی طرح منانا ہوگا

غم کسی دل میں سہی غم کو مٹانا ہوگا

کانپتے ہونٹوں پہ پیمان وفا کیا کہنا

تجھ کو لائی ہے کہاں لغزش پا کیا کہنا

میرے گھر میں ترے مکھڑے کی ضیا کیا کہنا

آج ہر گھر کا دیا مجھ کو جلانا ہوگا

روح چہروں پہ دھواں دیکھ کے شرماتی ہے

جھینپی جھینپی سی مرے لب پہ ہنسی آتی ہے

تیرے ملنے کی خوشی درد بنی جاتی ہے

ہم کو ہنسنا ہے تو اوروں کو ہنسانا ہوگا

سوئی سوئی ہوئی آنکھوں میں چھلکتے ہوئے جام

کھوئی کھوئی ہوئی نظروں میں محبت کا پیام

لب شیریں پہ مری تشنہ لبی کا انعام

جانے انعام ملے گا کہ چرانا ہوگا

میری گردن میں تری صندلی باہوں کا یہ ہار

ابھی آنسو تھے ان آنکھوں میں ابھی اتنا خمار

میں نہ کہتا تھا مرے گھر میں بھی آئے گی بہار

شرط اتنی تھی کہ پہلے تجھے آنا ہوگا

pyar ka jashn nai tarah manana hoga

gham kisi dil mein sahi gham ko mitana hoga

kanpte honton pe paiman-e-wafa kya kahna

tujh ko lai hai kahan laghzish-e-pa kya kahna

mere ghar mein tire mukhre ki ziya kya kahna

aj har ghar ka diya mujh ko jalana hoga

ruh chehron pe dhuan dekh ke sharmati hai

jhinpi jhinpi si mire lab pe hansi ati hai

tere milne ki khushi dard bani jati hai

ham ko hansna hai to auron ko hansana hoga

soi soi hui ankhon mein chhalakte hue jam

khoi khoi hui nazron mein mohabbat ka payam

lab-e-shirin pe miri tishna labi ka inam

jane inam milega ke churana hoga

meri gardan mein tiri sandali bahon ka ye har

abhi ansu the in ankhon mein abhi itna khumar

main na kahta tha mire ghar mein bhi aegi bahar

shart itni thi ke pahle tujhe ana hoga