زندگی نام ہے کچھ لمحوں کا

زندگی نام ہے کچھ لمحوں کا

اور ان میں بھی وہی اک لمحہ

جس میں دو بولتی آنکھیں

چائے کی پیالی سے جب اٹھیں

تو دل میں ڈوبیں

ڈوب کے دل میں کہیں

آج تم کچھ نہ کہو

آج میں کچھ نہ کہوں

بس یوں ہی بیٹھے رہو

ہاتھ میں ہاتھ لیے

غم کی سوغات لیے

گرمئ جذبات لیے

کون جانے کہ اسی لمحے میں

دور پربت پہ کہیں

برف پگھلنے ہی لگے

zindagi nam hai kuchh lamhon ka

aur un mein bhi wahi ik lamha

jis mein do bolti ankhen

chae ki piyali se jab uthen

to dil mein duben

dub ke dil mein kahin

aj tum kuchh na kaho

aj main kuchh na kahun

bas yun hi baithe raho

hath mein hath liye

gham ki saughat liye

garmi-e-jazbat liye

kaun jane ke isi lamhe mein

dur parbat pe kahin

barf pighalne hi lage