سزا ہی دی ہے دعاؤں میں بھی اثر دے کر

سزا ہی دی ہے دعاؤں میں بھی اثر دے کر

زبان لے گیا میری مجھے نظر دے کر

خود اپنے دل سے مٹا دی ہے خواہش پرواز

اڑا دیا ہے مگر اس کو اپنے پر دے کر

نکل پڑے ہیں سبھی اب پناہ گاہوں سے

گزر گئی ہے سیہ شب غم سحر دے کر

اسے میں اپنی صفائی میں کیا بھلا کہتا

وہ پوچھتا تھا جو مہلت بھی مختصر دے کر

پکارتا ہوں کہ تنہا میں رہ گیا ہوں نسیمؔ

کہاں گیا ہے وہ مجھ کو مری خبر دے کر

saza hi di hai duaon mein bhi asar de kar

zaban le gaya meri mujhe nazar de kar

khud apne dil se mita di hai khwahish-e-parwaz

ura diya hai magar us ko apne par de kar

nikal pare hain sabhi ab panah gahon se

guzar gai hai siyah shab-e-gham sahar de kar

use main apni safai mein kya bhala kahta

wo puchhta tha jo mohlat bhi mukhtasar de kar

pukarta hun ke tanha mein rah gaya hun nasim

kahan gaya hai wo mujh ko miri khabar de kar