کوئی یہ کیسے بتائے کہ وہ تنہا کیوں ہے

کوئی یہ کیسے بتائے کہ وہ تنہا کیوں ہے

وہ جو اپنا تھا وہی اور کسی کا کیوں ہے

یہی دنیا ہے تو پھر ایسی یہ دنیا کیوں ہے

یہی ہوتا ہے تو آخر یہی ہوتا کیوں ہے

اک ذرا ہاتھ بڑھا دیں تو پکڑ لیں دامن

ان کے سینے میں سما جائے ہماری دھڑکن

اتنی قربت ہے تو پھر فاصلہ اتنا کیوں ہے

دل برباد سے نکلا نہیں اب تک کوئی

اس لٹے گھر پہ دیا کرتا ہے دستک کوئی

آس جو ٹوٹ گئی پھر سے بندھاتا کیوں ہے

تم مسرت کا کہو یا اسے غم کا رشتہ

کہتے ہیں پیار کا رشتہ ہے جنم کا رشتہ

ہے جنم کا جو یہ رشتہ تو بدلتا کیوں ہے

koi ye kaise batae ke wo tanha kyun hai

wo jo apna tha wahi aur kisi ka kyun hai

yahi duniya hai to phir aisi ye duniya kyun hai

yahi hota hai to akhir yahi hota kyun hai

ik zara hath barha den to pakar len daman

un ke sine mein sama jae hamari dharkan

itni qurbat hai to phir fasla itna kyun hai

dil-e-barbad se nikla nahin ab tak koi

is lute ghar pe diya karta hai dastak koi

as jo tut gai phir se bandhita kyun hai

tum masarrat ka kaho ya use gham ka rishta

kahte hain pyar ka rishta hai janam ka rishta

hai janam ka jo ye rishta to badalta kyun hai