سرد راتوں کا حسیں اک خواب ہے چہرہ ترا

سرد راتوں کا حسیں اک خواب ہے چہرہ ترا

کیا کہوں بس منظر نایاب ہے چہرہ ترا

نکہت گیسو کو تیری نکہت سنبل لکھوں

تیرے نرم و نازک ان ہونٹوں کو برگ گل لکھوں

آرزو پر یہ عرق لگتا ہے شبنم کی طرح

اور سنی اس میں لٹیں لگتی ہے ریشم کی طرح

جیسے کوئی گلشن شاداب ہے چہرہ ترا

کیا کہوں بس منظر نایاب ہے چہرہ ترا

نور سے کچھ اس طرح ہے چشم تیری تر بہ تر

چاندنی کا عکس جوں اترا ہو سطح آب پر

پتلیاں دونوں تری آنکھوں میں دو نیلم لگے

اور تری آنکھوں کا پانی مجھ کو جام جم لگے

وقت صبح یہ عالم سیماب ہے چہرہ ترا

کیا کہوں بس منظر نایاب ہے چہرہ ترا

قول ہر نکلا زباں سے جو تری شہداب ہے

اور لبوں کا تل کتاب عشق کا اک باب ہے

ہے مصور کی ترے انگ انگ میں گل کاریاں

معجزہ لگتی ہے تیرے حسن کی رنگینیاں

گوہر نایاب ہے زرتاب ہے چہرہ ترا

کیا کہوں بس منظر نایاب ہے چہرہ ترا

sard raton ka hasin ik khwab hai chehra tira

kya kahun bas manzar-e-nayab hai chehra tira

nikhat-e-gesu ko teri nikhat-e-sumbul likhun

tere narm-o-nazuk in honton ko barg-e-gul likhun

arzu par ye araq lagta hai shabnam ki tarah

aur suni is mein luten lagti hai resham ki tarah

jaise koi gulshan-e-shadab hai chehra tira

kya kahun bas manzar-e-nayab hai chehra tira

nur se kuchh is tarah hai chashm teri tar ba tar

chandni ka aks jun utra ho sath-e-ab par

putliyan donon tiri ankhon mein do nilam lage

aur tiri ankhon ka pani mujh ko jam-e-jam lage

waqt-e-subh ye alam simab hai chehra tira

kya kahun bas manzar-e-nayab hai chehra tira

qaul har nikla zaban se jo tiri shahdab hai

aur labon ka til kitab-e-ishq ka ik bab hai

hai musawwir ki tire ang ang mein gul kariyan

mojiza lagti hai tere husn ki ranginiyan

gauhar-e-nayab hai zartab hai chehra tira

kya kahun bas manzar-e-nayab hai chehra tira