شاعر ہندوستاں اے شاعر جادو بیاں

شاعر ہندوستاں اے شاعر جادو بیاں

ہند کے خم خانۂ عرفاں کے اے پیر مغاں

تیرے نغموں میں نشاط زندگی کی ہے مہک

کیف سے گل کا تبسم ذکر دل حسن بتاں

تیرے نغموں میں دل انساں کا ہے سوز و گداز

جن سے اکثر ہے عبارت زندگی کی داستاں

ہے خیال و فکر کی دنیا ترے ہر لفظ میں

پیکر اشعار ہے کتنا حسیں کتنا جواں

تیری نظروں نے ٹٹولا اس طرح انساں کا دل

میرے دل کا راز مجھ پر ہی کیا تو نے عیاں

زندگی انساں کی ہے تیری نظر میں اک قفس

جس میں ہے حد نظر تک تیلیاں ہی تیلیاں

فیض سے تیرے ہی ہے اردو کا یہ حسن جمال

تیرے باعث ہی بنی وہ رونق بزم جہاں

تیرے نغموں کو کبھی بھی موت آ سکتی نہیں

لا زوال ان کی کشش ان کی بہاریں جاوداں

تیرے علم و فن کی شہرت کا میں عالم کیا کہوں

جھک گیا قدموں پہ تیرے با ادب سارا جہاں

shayar-e-hindostan ai shayar-e-jadu bayan

hind ke kham khana-e-irfan ke ai pir-e-mughan

tere naghmon mein nishat-e-zindagi ki hai mahak

kaif se gul ka tabassum zikr-e-dil husn-e-butan

tere naghmon mein dil-e-insan ka hai soz-o-gudaz

jin se aksar hai ibarat zindagi ki dastan

hai khayal-o-fikr ki duniya tire har lafz mein

paikar-e-ashar hai kitna hasin kitna jawan

teri nazron ne tatola is tarah insan ka dil

mere dil ka raz mujh par hi kiya tu ne ayan

zindagi insan ki hai teri nazar mein ik qafas

jis mein hai had-e-nazar tak teliyan hi teliyan

faiz se tere hi hai urdu ka ye husn-e-jamal

tere bais hi bani wo raunaq-e-bazm-e-jahan

tere naghmon ko kabhi bhi maut a sakti nahin

la zawal un ki kashish un ki baharen jawedan

tere ilm-o-fan ki shohrat ka main alam kya kahun

jhuk gaya qadmon pe tere ba adab sara jahan