مشعل امید تھامو رہ نما جیسا بھی ہے

مشعل امید تھامو رہ نما جیسا بھی ہے

اب تو چلنا ہی پڑے گا راستا جیسا بھی ہے

کس لیے سر کو جھکائیں اجنبی کے سامنے

اس سے ہم واقف تو ہیں اپنا خدا جیسا بھی ہے

کس کو فرصت تھی ہجوم شوق میں جو سوچتا

دل نے اس کو چن لیا وہ بے وفا جیسا بھی ہے

ساری دنیا میں وہ میرے واسطے بس ایک ہے

پھول سا چہرہ ہے وہ یا چاند سا جیسا بھی ہے

فصل گل میں بھی دکھاتا ہے خزاں دیدہ درخت

ٹوٹ کر دینے پہ آئے تو گھٹا جیسا بھی ہے

mashal-e-ummid thamo rah numa jaisa bhi hai

ab to chalna hi parega rasta jaisa bhi hai

kis liye sar ko jhukaen ajnabi ke samne

us se ham waqif to hain apna khuda jaisa bhi hai

kis ko fursat thi hujum-e-shauq mein jo sochta

dil ne us ko chun liya wo be wafa jaisa bhi hai

sari duniya mein wo mere waste bas ek hai

phul sa chehra hai wo ya chand sa jaisa bhi hai

fasl-e-gul mein bhi dikhata hai khizan dida darakht

tut kar dene pe ae to ghata jaisa bhi hai