کاش نور سحر کی کوئی کرن

کاش نور سحر کی کوئی کرن

زلف سے کرتی مجھ کو ہم آغوش

دل میں جل اٹھتی مشعل امید

دور ہوتی سیاہیٔ غم دوش

کاش مل جاتا نونہال کوئی

مجھ کو خوش رہنا جو سکھا دیتا

تاکہ میں حالت الم میں بھی

جھومتا گاتا مسکرا دیتا

کاش کوئی حسین دوشیزہ

راز معصومیت بتا دیتی

دل کو دھو کر ہوس کے دھبوں سے

حسن و الفت سے جگمگا دیتی

کاش مرد جواں کوئی ملتا

اور وہ سوز دل عطا کرتا

جس سے میں موت سے لڑاتا آنکھ

اور جینے کا حق ادا کرتا

کاش پیری وہ پر شکوہ ملے

وقت جس کو شکست دے نہ سکے

جس کی وہ چتونوں میں عزم شباب

کم سنی یاد آئے جب وہ ہنسے

کاش تاروں کا تابناک جمال

جان و تن میں مرے سما جاتا

دور ہو جاتی غم کی تاریکی

جس طرف ہو کے میں گزر جاتا

kash nur-e-sahar ki koi kiran

zulf se karti mujh ko ham aghosh

dil mein jal uthti mashal-e-ummid

dur hoti siyahi-e-gham-e-dosh

kash mil jata naunihal koi

mujh ko khush rahna jo sikha deta

take mein halat-e-alam mein bhi

jhumta gata muskura deta

kash koi hasin-e-doshiza

raz maasumiyat bata deti

dil ko dho kar hawas ke dhabbon se

husn-o-ulfat se jagmaga deti

kash mard-e-jawan koi milta

aur wo soz-e-dil ata karta

jis se main maut se larata ankh

aur jine ka haq ada karta

kash piri wo par shikwa mile

waqt jis ko shikast de na sake

jis ki wo chitwanon mein azm-e-shabab

kam suni yad ae jab wo hanse

kash taron ka tabnak jamal

jan-o-tan mein mire sama jata

dur ho jati gham ki tariki

jis taraf ho ke main guzar jata