ہے جستجو اگر اس کو ادھر بھی آئے گا

ہے جستجو اگر اس کو ادھر بھی آئے گا

نکل پڑا ہے تو پھر میرے گھر بھی آئے گا

تمام عمر کٹے گی یوں ہی سرابوں میں

وہ سامنے بھی نہ ہوگا نظر بھی آئے گا

جو غم ہوا ہے نئے شہر کے مکانوں میں

وہ دیکھنے کو کبھی یہ کھنڈر بھی آئے گا

رچی ہے میرے بدن میں تمام دن کی تھکن

ابھی تو رات کا لمبا سفر بھی آئے گا

ذرا سی دیر میں ہر شے چمک اٹھے گی نسیمؔ

سحر ہوئی ہے تو نور سحر بھی آئے گا

hai justuju agar us ko idhar bhi aega

nikal para hai to phir mere ghar bhi aega

tamam umr kategi yun hi sarabon mein

wo samne bhi na hoga nazar bhi aega

jo gham hua hai nae shahr ke makanon mein

wo dekhne ko kabhi ye khandar bhi aega

rachi hai mere badan mein tamam din ki thakan

abhi to rat ka lamba safar bhi aega

zara si der mein har shai chamak uthegi nasim

sahar hui hai to nur-e-sahar bhi aega