تمہارے لمس کی خوشبو نے صندل کر دیا ہے

تمہارے لمس کی خوشبو نے صندل کر دیا ہے

کہ میں پاگل تھی تم نے اور پاگل کر دیا ہے

تمازت ہجر کی پھر سے بدن جھلسا رہی تھی

تمہاری یاد کو پھر ہم نے بادل کر دیا ہے

ہمارے واسطے آساں نہیں تھا پھر بھی ہم نے

تمہیں لپٹا کے تم کو اپنا آنچل کر دیا ہے

مقدر کی سیاہی آج کچھ تو کام آئی

سجا کے آنکھ میں اس کو بھی کاجل کر دیا ہے

میں صحرا کی طرح بنجر تھی لیکن اے مری جاں

تمہارے پیار کی بارش نے جل تھل کر دیا ہے

یہاں اک ہنستا بستا شہرا ہوتا تھا تبسمؔ

جسے انسان کی وحشت نے جنگل کر دیا ہے

tumhare lams ki khushbu ne sandal kar diya hai

ke main pagal thi tum ne aur pagal kar diya hai

tamazat hijr ki phir se badan jhulsa rahi thi

tumhari yad ko phir ham ne badal kar diya hai

hamare waste asan nahin tha phir bhi ham ne

tumhen lipta ke tum ko apna anchal kar diya hai

muqaddar ki siyahi aj kuchh to kam ai

saja ke ankh mein us ko bhi kajal kar diya hai

main sahra ki tarah banjar thi lekin ai miri jan

tumhare pyar ki barish ne jal thal kar diya hai

yahan ik hansta basta shahra hota tha tabassum

jise insan ki wahshat ne jangal kar diya hai