مجھے دیکھو

مجھے دیکھو

مجھے سوچو

مجھے سمجھو

مری بے باک نظروں کی تہوں میں کوئی مجبوری نہیں ہے

مرا ادراک ہے جو مجھ کو میرے

خیر پہ ہونے کی مسند پر بٹھاتا ہے

مجھے یہ علم ہے کہ میں

اجالوں کی طرح سے پھیل جاتی ہوں

حقیقت روز روشن ہے

جہاں ہر اک چمکتی ریت پانی بن نہیں سکتی

حقیقت اپنی فطرت میں کہانی بن نہیں سکتی

مری بے باک نظری کا غلط مطلب نہ لے لینا

مجھے بہروپ بھرنے کی ادا آتی نہیں ہے

مجھے گھٹ گھٹ کے جینے کی ادا آتی نہیں ہے

مرا ادراک ہے جو مجھ کو میرے خیر پر ہونے کی مسند پر بٹھاتا ہے

میں ایسی ہوں دکھانا چاہتی ہوں

میں کیسی ہوں بتانا چاہتی ہوں

مجھے دیکھو

مجھے سوچو

مجھے سمجھو

میں عورت ہوں

حقیقت ہوں

mujhe dekho

mujhe socho

mujhe samjho

miri be bak nazron ki tahon mein koi majburi nahin hai

mira idrak hai jo mujh ko mere

khair pe hone ki masnad par bithata hai

mujhe ye ilm hai ke main

ujalon ki tarah se phail jati hun

haqiqat roz-e-raushan hai

jahan har ik chamakti ret pani ban nahin sakti

haqiqat apni fitrat mein kahani ban nahin sakti

miri be bak nazari ka ghalat matlab na le lena

mujhe bahrup bharne ki ada ati nahin hai

mujhe ghut ghut ke jine ki ada ati nahin hai

mira idrak hai jo mujh ko mere khair par hone ki masnad par bithata hai

main aisi hun dikhana chahti hun

main kaisi hun batana chahti hun

mujhe dekho

mujhe socho

mujhe samjho

main aurat hun

haqiqat hun