وہ تبسم کی سڑک پر

وہ تبسم کی سڑک پر

تھامے جس کی انگلیاں

محو سفر تھا کل تلک

روشن محبت کی اسی پہچان کو

درگور کر دینے سے پہلے

غم سمیٹے

نرم کاندھے پر

کسی لب ریز بادل کی طرح

رونے لگا تھا پھوٹ کر

بے چارگی آشفتگی درماندگی

سے واسطہ تھا ہر طرف اس کو

مگر یہ سلسلہ

کب تک کہاں تک

تازہ دم رہتا

معاً احساس جاگا ذہن میں اس کے

کہ اس سے آسماں کہنے لگا ہے

''جب مزہ چکھنا سبھی کو

موت کا ہے

ایک دن لازم

تو کیسا غم

نہیں کچھ بھی ترے بس میں

کمر کس لے

وفا کرنے کو سب رسمیں!''

wo tabassum ki sarak par

thame jis ki ungliyan

mahw-e-safar tha kal talak

raushan mohabbat ki isi pahchan ko

dargor kar dene se pahle

gham samete

narm kandhe par

kisi lab rez badal ki tarah

rone laga tha phut kar

be chargi ashuftagi darmandagi

se wasta tha har taraf us ko

magar ye silsila

kab tak kahan tak

taza dam rahta

maan ehsas jaga zehn mein us ke

ke us se asman kahne laga hai

''jab maza chakhna sabhi ko

maut ka hai

ek din lazim

tu kaisa gham

nahin kuchh bhi tire bas mein

kamar kis le

wafa karne ko sab rasmen!''