آج پھر مجھ سے

آج پھر مجھ سے

مرا کمرہ مخاطب ہے

دراڑیں وہ کبھی

چھت کی دکھاتا ہے

کبھی دیوار میں پڑتے شگافوں کو

نشاں جھلسے ہوئے رنگوں کا مجھ کو

مبتلا کر دیتا ہے ہیبت میں

مکڑی کے سبک جالے

ہوا کے دوش پر لہرانے لگتے ہیں

زوال زندگی کا وہ پتہ بھی دینے لگتے ہیں

زمیں کمرے کی

بوسیدہ کہانی جب سناتی ہے

کواڑوں سے صدا اٹھتی ہے

رونے اور سسکنے کی

کبھی آہیں سی بھرنے کہ

انہیں لمحوں کے سائے میں مگر

کچھ جھانکتی انگور کی بیلیں

دریچے سے تبسم کا شگفتہ عکس

دکھلاتی ہیں آنکھوں کو

aj phir mujh se

mira kamra mukhatib hai

dararen wo kabhi

chhat ki dikhata hai

kabhi diwar mein parte shigafon ko

nishan jhulse hue rangon ka mujh ko

mubtala kar deta hai haibat mein

makri ke subuk jale

hawa ke dosh par lahrane lagte hain

zawal zindagi ka wo pata bhi dene lagte hain

zamin kamre ki

bosida kahani jab sunati hai

kiwaron se sada uthti hai

rone aur sisakne ki

kabhi ahen si bharne ke

unhen lamhon ke sae mein magar

kuchh jhankti angur ki belen

dariche se tabassum ka shagufta aks

dikhlati hain ankhon ko