مچا کہرام کیوں ہے

مچا کہرام کیوں ہے

گھر بدلنے پر

ابھی بھی ہلکے کالے

شیشے والی

آنکھ پر عینک لگا کر

حلقۂ یاراں میں وہ اکثر

چہل قدمی کو آتا ہے

سناتا ہے غزل اپنی

کبھی تاروں کی جھرمٹ میں

کبھی رستے میں شبنم کے

کبھی خوشبو لپیٹے جسم پر

دلکش فضاؤں میں

کبھی بے حد چمکتی دھوپ کے

پیپل کی چھاؤں میں

ذرا سا

چشم باطن کو

منور کر کے تو دیکھو

لیے دریا کو ہاتھوں میں

بہت شاداں

بہت فرحاں

نظر آتا ہے مسند پر

macha kohram kyun hai

ghar badalne par

abhi bhi halke kale

shishe wali

ankh par ainak laga kar

halqa-e-yaran mein wo aksar

chahal qadami ko ata hai

sunata hai ghazal apni

kabhi taron ki jhurmut mein

kabhi raste mein shabnam ke

kabhi khushbu lapete jism par

dilkash fazaon mein

kabhi be had chamakti dhup ke

pipal ki chhaon mein

zara sa

chashm-e-batin ko

munawwar kar ke to dekho

liye dariya ko hathon mein

bahut shadan

bahut farhan

nazar ata hai masnad par