چلو آؤ چلیں

چلو آؤ چلیں

چلیں پھر لوٹ کے واپس

اسی اندھی گپھا میں ہم

جہاں روشن ہوئی تھی آگ پہلے پہل

کہ اب

کالی ہواؤں سے بچاؤ کا یہی اک راستہ ہے

چلو آؤ

انہیں غاروں کی جانب

پھر چلیں جاناں

اور اندر کی برستی بارشوں میں

جم کے بھیگیں

بھیگتے جائیں

ٹھٹھر جائیں

ٹھٹھر کر سرد پڑتے جسم و جاں کو ہم

اسی پہلے پہل کی آگ سے

راحت دلائیں

اسی پہلے جنم سے پھر کریں نا ابتدا جاناں

چلو آؤ

chalo ao chalen

chalen phir laut ke wapas

isi andhi gupha mein ham

jahan raushan hui thi ag pahle pahal

ke ab

kali hawaon se bachao ka yahi ik rasta hai

chalo ao

unhen gharon ki janib

phir chalen janan

aur andar ki barasti barishon mein

jam ke bhigen

bhigte jaen

thithar jaen

thithar kar sard parte jism-o-jan ko ham

isi pahle pahal ki ag se

rahat dilaen

isi pahle janam se phir karen na ibtida janan

chalo ao