وہ مؤذن تھا

وہ مؤذن تھا

ذرا سی دیر کو آ یا تھا اپنے گھر

یہ کہنے کو

کہ کوئی شور ہو دستک ہو

دروازہ نہ کھولوگی

دریچے بند رکھو گی

ہوائیں شہر کی بدلی ہوئی ہیں

یہی تاکید کر کے وہ واپس ہو گیا تھا

اور اپنی کوٹھری میں بند

اس کی کانپتی بیوی

کلیجے سے لگائے ننھے بچوں کو

کسی سہمی ہوئی چڑیا کی صورت

پر سمیٹے دم بخود بیٹھی رہی

نہ جانے رات کے کتنے پہر بیتے

فجر ہونے کو آئی

بشارت بانگ کی صورت

کسی مرغے نے دی تھی صبح ہونے کی

مگر مسجد کے منبر سے

بلا ناغہ بلند ہوتی

موذن کی صدا چپ تھی

اذان صبح غائب تھی

wo muazzin tha

zara si der ko a ya tha apne ghar

ye kahne ko

ke koi shor ho dastak ho

darwaza na khologi

dariche band rakhogi

hawaen shahr ki badli hui hain

yahi takid kar ke wo wapas ho gaya tha

aur apni kothri mein band

us ki kanpti biwi

kaleje se lagae nanhe bachchon ko

kisi sahmi hui chiriya ki surat

par samete dam bakhud baithi rahi

na jane rat ke kitne pahar bite

fajr hone ko ai

basharat bang ki surat

kisi marghe ne di thi subh hone ki

magar masjid ke mimbar se

bala nagha buland hoti

muazzin ki sada chup thi

azan-e-subh ghaib thi