اپنا سارا بوجھ زمیں پر پھینک دیا

اپنا سارا بوجھ زمیں پر پھینک دیا

تجھ کو خط لکھا اور لکھ کر پھینک دیا

خود کو ساکن دیکھا ٹھہرے پانی میں

جانے کیا کچھ سوچ کے پتھر پھینک دیا

دیواریں کیوں خالی خالی لگتی ہیں

کس نے سب کچھ گھر سے باہر پھینک دیا

میں تو اپنا جسم سکھانے نکلا تھا

بارش نے پھر مجھ پہ سمندر پھینک دیا

وہ کیسا تھا اس کو کہاں پر دیکھا تھا

اپنی آنکھوں نے ہر منظر پھینک دیا

apna sara bojh zamin par phenk diya

tujh ko khat likha aur likh kar phenk diya

khud ko sakin dekha thahre pani mein

jane kya kuchh soch ke patthar phenk diya

diwaren kyun khali khali lagti hain

kis ne sab kuchh ghar se bahar phenk diya

main to apna jism sikhane nikla tha

barish ne phir mujh pe samundar phenk diya

wo kaisa tha us ko kahan par dekha tha

apni ankhon ne har manzar phenk diya