آم جو کھائے وہ للچائے

آم جو کھائے وہ للچائے

جو نہ کھائے وہ پچھتائے

بھینی بھینی خوشبو آئے

جو سب کے ہی من کو بھائے

لنگڑا چوسا اور دسہری

کوئی نہیں ہے ان کا بیری

سونے جیسی رنگت ان کی

ڈالی ڈالی سنگت ان کی

ابا جب بازار کو جاتے

ٹوکری بھر آموں کی لاتے

سارے پھلوں کا آم ہے راجا

کچا پکا سب کا کھا جا

خوشبو اس کی بھینی بھینی

میٹھا گڑ ہے میٹھی چینی

خود کھائیں اوروں کو کھلائیں

کھانے سے جی بھر نہ پائیں

سب سے اچھی بات یہ ہی ہے

گرمی کی سوغات یہ ہی ہے

am jo khae wo lalchae

jo na khae wo pachhtae

bhini bhini khushbu ae

jo sab ke hi man ko bhae

langra chusa aur dasahri

koi nahin hai un ka beri

sone jaisi rangat un ki

dali dali sangat un ki

abba jab bazar ko jate

tokri bhar amon ki late

sare phalon ka am hai raja

kachcha paka sab ka kha ja

khushbu us ki bhini bhini

mitha gur hai mithi chini

khud khaen auron ko khilaen

khane se ji bhar na paen

sab se achchhi bat ye hi hai

garmi ki saughat ye hi hai