مری مشق سخن کا جب ہوا ان پر اثر زیادہ

مری مشق سخن کا جب ہوا ان پر اثر زیادہ

مہربانی ہے ان کی مجھ پہ کم اور ہے قہر زیادہ

وہ ویسے بھی رہا کرتی ہیں اپنی ماں کے گھر زیادہ

وہاں رہ کر بھی وہ رہتی ہیں مجھ سے باخبر زیادہ

وہ چاہے کھیل چوسر کا ہو یا شطرنج کی بازی

ہمیشہ چال وہ چلتی ہیں اپنی ایک گھر زیادہ

وہ کوشش تو بہت کرتا ہے لیکن اڑ نہیں سکتا

پرندے کے نکل آئے ہیں شاید بال و پر زیادہ

مرض شوق مسیحائی کا پھیلا ہے وبا بن کر

مریضوں سے کہیں اب ہو گئے ہیں چارہ گر زیادہ

خدا محفوظ ہی رکھے ہمیں ان خود پرستوں سے

جو خود کو جانتے کم ہیں سمجھتے ہیں مگر زیادہ

غلط فہمی ہے ان کی ؔخواہ مخواہ یا میری خوش فہمی

سمجھتے ہیں مجھے سب شاعروں میں معتبر زیادہ

miri mashq-e-sukhan ka jab hua un pur asar ziyada

mehrbani hai un ki mujh pe kam aur hai qahr ziyada

wo waise bhi raha karti hain apni man ke ghar ziyada

wahan rah kar bhi wo rahti hain mujh se bakhabar ziyada

wo chahe khel chausar ka ho ya shatranj ki bazi

hamesha chal wo chalti hain apni ek ghar ziyada

wo koshish to bahut karta hai lekin ur nahin sakta

parinde ke nikal ae hain shayad bal-o-par ziyada

maraz shauq-e-masihai ka phaila hai waba ban kar

marizon se kahin ab ho gae hain chara gar ziyada

khuda mahfuz hi rakhe hamen un khud paraston se

jo khud ko jante kam hain samajhte hain magar ziyada

ghalat fahmi hai un ki khwah makhwah ya meri khush fahmi

samajhte hain mujhe sab shayaron mein motabar ziyada