ہے یہی دستور دنیا اور یہی دیکھا گیا

ہے یہی دستور دنیا اور یہی دیکھا گیا

پھول سے خوشبو نکلتے ہی اسے پھینکا گیا

باغ ہندوستان جن جن کے خون سے سینچا گیا

دار ناقدری پہ بالآخر انہیں کھینچا گیا

زندگی میں مل گئے کتنوں کو سرکاری خطاب

مفت میں ان کو خریدا مفت میں بیچا گیا

مرنے والوں کو بھی ہر اعزاز پارلیمنٹ میں

اہتماماً وارثوں کے ہاتھ میں سونپا گیا

تھے رقم جن میں جہاد و جنگ آزادی کے باب

طاق نسیاں میں انہی اوراق کو پھینکا گیا

ہند کی تاریخ کا باب درخشاں پوچھئے

کیوں سیاسی مصلحت کی آگ میں جھونکا گیا

ملک میں فرقہ پرستوں کی ہوا چل ہی گئی

نہ کسی نے سرزنش کی نہ انہیں ٹوکا گیا

تنگ نظری بغض اور نفرت بھرے ترشول کو

پیٹھ میں انسانیت کی اس طرح گھونپا گیا

حضرت آزادؔ کو اعزاز بھارت رتن کا

ؔخواہ مخواہ ان کے پتے پر ڈاک سے بھیجا گیا

hai yahi dastur duniya aur yahi dekha gaya

phul se khushbu nikalte hi use phenka gaya

bagh hindostan jin jin ke khun se sincha gaya

dar naqadri pe bilakhir unhen khincha gaya

zindagi mein mil gae kitnon ko sarkari khitab

muft mein un ko kharida muft mein becha gaya

marne walon ko bhi har ezaz parlimint mein

atamaman warison ke hath mein saunpa gaya

the raqam jin mein jihad-o-jang azadi ke bab

taq-e-nasiyan mein unhi auraq ko phenka gaya

hind ki tarikh ka bab-e-darakhshan puchhiye

kyun siyasi maslahat ki ag mein jhonka gaya

mulk mein firqa paraston ki hawa chal hi gai

na kisi ne sarzanish ki na unhen toka gaya

tang nazari bughz aur nafrat bhare tirshul ko

pith mein insaniyat ki is tarah ghonapa gaya

hazrat azad ko ezaz bharat ratan ka

khwah makhwah un ke patte par dak se bheja gaya