تیری آنکھوں کی چمک بس اور اک پل ہے ابھی

تیری آنکھوں کی چمک بس اور اک پل ہے ابھی

دیکھ لے اس چاند کو کچھ دور بادل ہے ابھی

آنکھ تو خود کو نئے چہروں میں کھو کر رہ گئی

دل مگر اس شخص کے جانے سے بوجھل ہے ابھی

اب تلک چہرے پہ ہیں طوفاں گزرنے کے نشاں

تہہ میں پتھر جا چکا پانی پہ ہلچل ہے ابھی

تو تو ان کا بھی گلہ کرتا ہے جو تیرے نہ تھے

تو نے دیکھا ہی نہیں کچھ بھی تو پاگل ہے ابھی

کر گیا سورج مجھے تنہا کہاں لا کر نسیمؔ

کیا کروں میں راستے میں شب کا جنگل ہے ابھی

teri ankhon ki chamak bas aur ik pal hai abhi

dekh le is chand ko kuchh dur badal hai abhi

ankh to khud ko nae chehron mein kho kar rah gai

dil magar us shakhs ke jane se bojhal hai abhi

ab talak chehre pe hain tufan guzarne ke nishan

tah mein patthar ja chuka pani pe halchal hai abhi

tu to un ka bhi gila karta hai jo tere na the

tu ne dekha hi nahin kuchh bhi to pagal hai abhi

kar gaya suraj mujhe tanha kahan la kar nasim

kya karun main raste mein shab ka jangal hai abhi