غذا سے توانائی تن کو ملے

غذا سے توانائی تن کو ملے

ہیں لمبے توانائی کے سلسلے

توانائی جیون کی جیوتی بھی ہے

یہ حرکی و پوشیدہ ہوتی بھی ہے

توانائی طاقت کا ذریعہ بنے

یہ ہر کام کا اک وسیلہ بنے

مشینوں کی بس اہمیت آج ہے

کہ برقی توانائی کا راج ہے

توانائی جس کو کہیں جوہری

بنے اس سے ہتھیار سب ایٹمی

حرارت ہے صورت توانائی کی

نہ ہو بات کیوں کر یہ گہرائی کی

ہے حافظؔ توانائی سے زندگی

کرو قدر ہر پل توانائی کی

ghiza se tawanai tan ko mile

hain lambe tawanai ke silsile

tawanai jiwan ki jiwti bhi hai

ye haraki-o-poshida hoti bhi hai

tawanai taqat ka zaria bane

ye har kam ka ik wasila bane

mashinon ki bas ahmiyat aj hai

ke barqi tawanai ka raj hai

tawanai jis ko kahin jauhari

bane us se hathiyar sab aitmi

hararat hai surat tawanai ki

na ho bat kyun kar ye gahrai ki

hai hafiz tawanai se zindagi

karo qadr har pal tawanai ki