Arooz is now on the App Store, for iPhone and iPad. Download →

All poetry

سخاوت ہے نیکی کا اک بہتا دریا

Hafiz Karnataki (b. 1964)

سخاوت ہے نیکی کا اک بہتا دریا

کہ بچو بخالت ہے خود جلتا صحرا

سخاوت میں حاتمؔ کا ثانی نہیں ہے

سخاوت امر ہے یہ فانی نہیں ہے

سخاوت امیروں پہ ہے فرض بچو

غریبوں کا یہ حق ہے تم آج سن لو

سخاوت ہے ایمان کا ایک حصہ

ہے برکت کا ذریعہ سخاوت کا سایہ

سخی کا ہے کیا مرتبہ تم یہ جانو

ہے جنت میں اس کی جگہ تم یہ مانو

میاں ہوگی ہر وقت رب کی عنایت

کفایت کے ہمراہ کر لو سخاوت

اے حافظؔ سخاوت ہر اک لمحہ کرنا

سخی بن کے جینا سخی بن کے مرنا