درختوں پہ ہر دم چہکتے پرندے

درختوں پہ ہر دم چہکتے پرندے

لبھاتے ہیں بچو رنگیلے پرندے

ہیں دل کش وہ رنگین چڑیوں کی ڈاریں

دکھاتی ہیں پت جھڑ میں بھی یہ بہاریں

جھپٹتی ہیں مردار پر خود ہی چیلیں

سہانی ہیں بگلوں کی ہلچل سی جھیلیں

ہے لقوے سے کرتا کبوتر حفاظت

ہے تیتر سے آتی رگوں میں حرارت

ضرورت پہ کرتے ہیں نقل مکانی

یہ عادت پرندوں کی ہے اک پرانی

غذا مل کے کھاتے ہیں کوے بھی دیکھو

سبق ایکتا کا پرندوں سے سیکھو

تم اس راز کو آج حافظؔ سے جانو

پرندے غذا بھی دوا بھی ہیں بچو

darakhton pe har dam chahakte parinde

lubhate hain bachcho rangile parinde

hain dil kash wo rangin chiriyon ki daren

dikhati hain pat jhar mein bhi ye baharen

jhapatti hain murdar par khud hi chilen

suhani hain bigulon ki halchal si jhelen

hai laqwe se karta kabutar hifazat

hai titar se ati ragon mein hararat

zarurat pe karte hain naql-e-makani

ye adat parindon ki hai ik purani

ghiza mil ke khate hain kawwe bhi dekho

sabaq ikutta ka parindon se sikho

tum is raz ko aj hafiz se jano

parinde ghiza bhi dawa bhi hain bachcho