Arooz is now on the App Store, for iPhone and iPad. Download →

All poetry

لفظ مثنیٰ سے یہ جو میاں ہے بنی

Hafiz Karnataki (b. 1964)

لفظ مثنیٰ سے یہ جو میاں ہے بنی

دو کے معنی کو ظاہر کرے مثنوی

خوب عربی میں اور فارسی میں چلی

آ کے اردو میں بھی خوب پھولی پھلی

موزوں پائی گئی داستاں کے لیے

یہ مناسب ہے نظم رواں کے لیے

سیدھی سادی ہے جو مثنوی کی زباں

ہے حسنؔ میر کی خوب سحر البیاں

اس میں تہذیب کا عکس دیکھو میاں

ملتا ہے جا بجا اک سماجی بیاں

شیخ رومیؔ جو گزرے ہیں اک مولوی

ان کی دنیا میں مشہور ہے مثنوی

مثنوی کے بھی مخصوص اوزان ہیں

جو غزل کی طرح بچو آسان ہیں

حافظؔ اس کی فضا کو بناتے رہو

بچوں کو مثنوی تم پڑھاتے رہو