دن کی روشنی میں رات مل گئی

دن کی روشنی میں رات مل گئی

دو گھڑی جو تیرے ساتھ جی لیے

نشاط کے تمام جام پی لیے

حسن عشق اور طلب کی حرمتیں

سرور و کیف اور سکوں کی حشمتیں

ردائے نور بن کے تار تار ہو کے جسم میں اتر گئیں

ماسوا بکھر گیا

نشہ سرور کی حدوں سے پار روشنی کی راہ سے گزر گیا

دن کی تیز دھوپ میں

فضائے یاد کے تمام نقش

تیری میری چاندنی اڑا کے لے گئی

مزے تمام لذتوں کے چند ساعتوں میں

یوں سما گئے

کہ دن کی وسعتوں پہ رات چھا گئی

تلاش کے سرور میں

سراب کی حدوں سے ہم گزر گئے

ہمیں ہماری ذات کا نشاں ملا

ہمیں ہماری بات کا گماں ملا

سایۂ مکاں میں لا مکاں ملا

din ki raushni mein rat mil gai

do ghari jo tere sath ji liye

nishat ke tamam jam pi liye

husn-e-ishq aur talab ki hurmaten

surur-o-kaif aur sukun ki hashmaten

rida-e-nur ban ke tar tar ho ke jism mein utar gain

masiwa bikhar gaya

nasha surur ki hadon se par raushni ki rah se guzar gaya

din ki tez dhup mein

faza-e-yad ke tamam naqsh

teri meri chandni ura ke le gai

maze tamam lazzaton ke chand saaton mein

yun sama gae

ke din ki wusaton pe rat chha gai

talash ke surur mein

sarab ki hadon se ham guzar gae

hamen hamari zat ka nishan mila

hamen hamari bat ka guman mila

saya-e-makan mein la makan mila