عشق میں ٹھہرے ہیں ہم نا کامیاب

عشق میں ٹھہرے ہیں ہم نا کامیاب

ڈال کر گردن میں ناکامی کا طوق

تو بہت غمگین ہے

تو متاع زیست کو سمجھا ہے اشکوں کی بہار

کس قدر مشکل ہے منزل

دوستی کے راستوں کی

کس قدر آفات ہیں

اک طرف بے چارگی ہے نفس کی

اک طرف مبہم سے جذبوں کی پکار

اک طرف تیری محبت کا حصار

کاش تو اتنا تو سمجھے

اس جہان زیست کی منزل ہے تو

تجھ سے ہیں یہ رات دن کے سلسلے

کاش تو اتنا تو جانے

تجھ سے میں پیوست ہوں روح ازل سے

جسم اور روح کی طنابیں خیمہ زن ہیں

تیرے ساحل کے سہانے دوش پر

اور تو خاموش ساگر کی طرح ہے بے کنار

ہم ہوئے ناکام یا ہیں کامیاب

فیصلہ چھوڑیں اسی پر

ہم ہوئے جس پر نثار

کاش تو اتنا تو مانے

ishq mein thahre hain ham na kamyab

dal kar gardan mein nakami ka tauq

to bahut ghamgin hai

tu mata-e-zist ko samjha hai ashkon ki bahar

kis qadar mushkil hai manzil

dosti ke raston ki

kis qadar afat hain

ik taraf be chargi hai nafas ki

ik taraf mubham se jazbon ki pukar

ik taraf teri mohabbat ka hisar

kash tu itna to samjhe

is jahan zist ki manzil hai tu

tujh se hain ye rat din ke silsile

kash tu itna to jane

tujh se main paiwast hun ruh azal se

jism aur ruh ki tanaben khema zan hain

tere sahil ke suhane dosh par

aur to khamosh sagar ki tarah hai be kanar

ham hue nakam ya hain kamyab

faisla chhoren usi par

ham hue jis par nisar

kash tu itna to mane