ایک اندھیرا آنکھ جھپک کر لاکھ اندھیرے لائے

ایک اندھیرا آنکھ جھپک کر لاکھ اندھیرے لائے

چاند کی نظریں دیپک پر ہیں دیپک جلتا جائے

بن باسی جوگی متوالا راگ انوکھے گائے

پتھر کے سینے کا سپنا سانپ بنے بل کھائے

پورب کی بدمست ہوا راہوں پہ پھن پھیلائے

انگ انگ دکھلا کر ناگن لپک لپک لہرائے

دیپک راگ کوئی سلگا کر ہردے آگ لگائے

مندر جل کر راکھ بنے اور پورب کو اڑ جائے

پورب کے گل بوٹوں پر بھی ایک نیا رنگ آئے

سات رنگ کی سات زمینیں سات سمندر لائے

کوئی کرے جیون اجیارا کوئی تو روپ دکھائے

نین کی نرمل نازک نیا بے سدھ نیر بہائے

کسی کی آس پہ سانجھ سویرے کون کنارے آئے

چاند کی نظریں دیپک پر ہیں دیپک جلتا جائے

ایک اندھیرا آنکھ جھپک کر لاکھ اندھیرے لائے

ek andhera ankh jhapak kar lakh andhere lae

chand ki nazren dipak par hain dipak jalta jae

ban basi jogi matwala rag anokhe gae

patthar ke sine ka sapna sanp bane bal khae

purab ki badmast hua rahon pe phan phailae

ang ang dikhla kar nagin lapak lapak lahrae

dipak rag koi sulga kar hirde ag lagae

mandir jal kar rakh bane aur purab ko ur jae

purab ke gul buton par bhi ek naya rang ae

sat rang ki sat zaminen sat samundar lae

koi kare jiwan ajiara koi to rup dikhae

nain ki nirmal nazuk naya be sudh nayar bahae

kisi ki as pe sanjh sawere kaun kinare ae

chand ki nazren dipak par hain dipak jalta jae

ek andhera ankh jhapak kar lakh andhere lae