چشم تمنا

چشم تمنا

جسے نیند آئی تھی صدیوں کی بیماریوں کی تھکن سے

جاگ اٹھی ہے شاید

بدن میں نیا دن شگوفے کی مانند ابھرا

شفق زار بن کر

دل کی آغوش میں آ بسا ہے

نظارے میں مسحور رہنے کی خواہش جنم لے رہی ہے

بسا کر اسے اپنی نظروں میں

شاداب آنکھوں میں رہنے کو جی چاہتا ہے

وہی رنگ و بو کی حرارت کی ہلکی لکیریں

تمازت کے جھونکے بدن چھو رہے ہیں

بہار آ گئی یاد کی وادیوں میں

سفر کے ارادوں سے مایوس کشتی

کنارے پہ یوں آ لگی ہے

کہ ٹھہری ہوئی جھیل کی روشنی میں نیا گھر بسا ہے

یہ چشم تمنا کی کشتی بنی ہے نیا آشیانہ

نیلگوں روشنی تیرتی ہے

مگر یہ کھڑی ہے

زمانے محبت کے پھر لوٹ آئے ہیں شاید

وقت کے ٹھہر جانے کی شاید گھڑی ہے

قیامت کڑی ہے

chashm-e-tamanna

jise nind ai thi sadiyon ki bimariyon ki thakan se

jag uthi hai shayad

badan mein naya din shagufe ki manind ubhra

shafaq zar ban kar

dil ki aghosh mein a basa hai

nazare mein mashur rahne ki khwahish janam le rahi hai

basa kar use apni nazron mein

shadab ankhon mein rahne ko ji chahta hai

wahi rang-o-bu ki hararat ki halki lakiren

tamazat ke jhonke badan chhu rahe hain

bahar a gai yad ki wadiyon mein

safar ke iradon se mayus kashti

kinare pe yun a lagi hai

ke thahri hui jhil ki raushni mein naya ghar basa hai

ye chashm-e-tamanna ki kashti bani hai naya ashiyana

nilgun raushni tairti hai

magar ye khari hai

zamane mohabbat ke phir laut ae hain shayad

waqt ke thahar jane ki shayad ghari hai

qayamat kari hai