محفل میں سب کو اپنا پرستار کر دیا

محفل میں سب کو اپنا پرستار کر دیا

شیریں زباں سے اس نے چمتکار کر دیا

ہم جیسوں میں کہاں تھی بھلا یہ صلاحیت

صحبت نے شاعروں کی سخن کار کر دیا

خبروں میں سچ کی پہلے سی خوشبو نہیں رہی

سو بند ہم نے آج سے اخبار کر دیا

رکھتے ہیں اب ہر ایک قدم دیکھ بھال کر

اتنا تو ٹھوکروں نے سمجھدار کر دیا

قائم رہے ہماری کتابوں سے دوستی

اس نے غریب فکر کو زردار کر دیا

آتی ہے شرم آج بتاتے ہوئے وویکؔ

لوگوں نے راجنیتی کو بیوپار کر دیا

mahfil mein sab ko apna parastar kar diya

shirin zaban se us ne chamatkar kar diya

ham jaison mein kahan thi bhala ye salahiyyat

sohbat ne shayaron ki sukhan kar kar diya

khabron mein sach ki pahle si khushbu nahin rahi

so band ham ne aj se akhbar kar diya

rakhte hain ab har ek qadam dekh bhal kar

itna to thokaron ne samajhdar kar diya

qaim rahe hamari kitabon se dosti

us ne gharib fikr ko zardar kar diya

ati hai sharm aj batate hue woyak

logon ne rajnaiti ko byopar kar diya