میرے پاس نہیں ہے کچھ بھی

میرے پاس نہیں ہے کچھ بھی

سرد ہواؤں سے بچنے کو

ننگے فٹ پاتھوں پر ننگا

اپنے بدن کو اوڑھ کے لیٹا

سوچ رہا ہوں

جانے ان ٹھٹھری راتوں میں

جاگتی آنکھوں کی مایوسی

صبح کا

سورج بھی دیکھے گی

یا مجھ جیسے بیٹوں کی مائیں

دور کہیں

سوتے سوتے اچھل پڑیں گی

اور روئیں گی

mere pas nahin hai kuchh bhi

sard hawaon se bachne ko

nange fit pathon par nanga

apne badan ko orh ke leta

soch raha hun

jane un thithri raton mein

jagti ankhon ki mayusi

subh ka

suraj bhi dekhegi

ya mujh jaise beton ki maen

dur kahin

sote sote uchhal parengi

aur roengi