کاش ایسا دیار آ جائے

کاش ایسا دیار آ جائے

گلشنوں کی قطار آ جائے

کیا مزہ کشتیاں چلانے کا

جب ندی میں اتار آ جائے

اب یہ مظلوم جاگ اٹھے ہیں

ہوش میں تاجدار آ جائے

مشق سے جی چرا کے یہ خواہش

شاعری میں نکھار آ جائے

خواب میں بھی اگر دکھے پانی

پیاس کو کچھ قرار آ جائے

جیتنے کا جنوں نہ کم ہوگا

لاکھ حصے میں ہار آ جائے

آپ جیسے بڑوں کی محفل میں

کیا بھلا خاکسار آ جائے

kash aisa dayar a jae

gulshanon ki qatar a jae

kya maza kashtiyan chillane ka

jab nadi mein utar a jae

ab ye mazlum jag uthe hain

hosh mein tajdar a jae

mashq se ji chura ke ye khwahish

shayari mein nikhar a jae

khwab mein bhi agar dikhe pani

pyas ko kuchh qarar a jae

jitne ka junun na kam hoga

lakh hisse mein har a jae

ap jaise baron ki mahfil mein

kya bhala khaksar a jae