مرے بستر سے جب اٹھ کر

مرے بستر سے جب اٹھ کر

وہ تھوڑی دور تک ہی جا سکی تھی

اچانک

یہ خیال آیا مجھے کہ

ذرا سی چھاؤں کی خاطر

جھلستی ریت پہ وہ ننگے پیروں

نہ جانے کتنی صدیوں سے یوںہی بس

بے ارادہ چل رہی ہے

مرے بستر کی شکنوں نے مگر

مرے لہجے میں مجھ سے بھی کہا کہ

تمہاری عمر کا بڑھتا اندھیرا

یوںہی بس بے ارادہ

تمہیں بھی دشت میں بھٹکا رہا ہے

mire bistar se jab uth kar

wo thori dur tak hi ja saki thi

achanak

ye khayal aya mujhe ke

zara si chhaon ki khatir

jhulasti ret pe wo nange pairon

na jane kitni sadiyon se yunhi bas

be irada chal rahi hai

mire bistar ki shiknon ne magar

mire lahje mein mujh se bhi kaha ke

tumhari umr ka barhta andhera

yunhi bas be irada

tumhen bhi dasht mein bhatka raha hai