ہنڈولا جھولنے والے
Iftikhar Arif (b. 1943)ہنڈولا جھولنے والے
زمیں سے کٹ کے اونچا جھولنے کی چاہ رکھتے ہیں تو پھر جھولیں
مگر یہ یاد رکھیں
زمیں سے کٹ کے اونچا جھولنے والے فضاؤں میں معلق ہی رہیں گے
جھلانے والے کے رحم و کرم پر دائرہ در دائرہ گردش کریں گے
اور زمیں پر لوٹ کر بھی بے زمینی کے الم سہتے رہیں گے
ہنڈولا جھولنے والے
زمیں سے کٹ کے اونچا جھولنے کی چاہ رکھتے ہیں
تو پھر جھولیں مگر یہ یاد رکھیں
handola jhulne wale
zamin se kat ke uncha jhulne ki chah rakhte hain to phir jhulen
magar ye yad rakhen
zamin se kat ke uncha jhulne wale fazaon mein muallaq hi rahenge
jhallane wale ke rahm-o-karam par daira dar daira gardish karenge
aur zamin par laut kar bhi be zamini ke alam sahte rahenge
handola jhulne wale
zamin se kat ke uncha jhulne ki chah rakhte hain
to phir jhulen magar ye yad rakhen