رات دن خواب بنتی ہوئی زندگی

رات دن خواب بنتی ہوئی زندگی

دل میں نقد اضافی کی لو

آنکھ بار امانت سے چور

موج خوں بے نیاز مآل

دشت بے رنگ سے درد کے پھول چنتی ہوئی زندگی

خوف واماندگی سے خجل

آرزوؤں کے آشوب سے مضمحل

منہ کے بل خاک پر آ پڑی

ہر طرف اک بھیانک سکوت

کوئی نوحہ نہ آنسو نہ پھول

حاصل جسم و جاں بے نشاں رہ گزاروں کی دھول

اجنبی شہر میں

خاک بر سر ہوئی زندگی

کیسی بے گھر ہوئی زندگی

rat din khwab banti hui zindagi

dil mein naqd izafi ki lau

ankh bar-e-amanat se chur

mauj-e-khun be niyaz maal

dasht-e-be rang se dard ke phul chunti hui zindagi

khauf wamandagi se khajil

arzuon ke ashob se muzmahil

munh ke bal khak par a pari

har taraf ik bhayanak sukut

koi nauha na ansu na phul

hasil jism-o-jan be nishan rah guzaron ki dhul

ajnabi shahr mein

khak bar sar hui zindagi

kaisi be ghar hui zindagi