خوابوں سے تہی بے نور آنکھیں

خوابوں سے تہی بے نور آنکھیں

ہر شام نئے منظر چاہیں

بے چین بدن پیاسی روحیں

ہر آن نئے پیکر چاہیں

بے باک لہو

ان دیکھے سپنوں کی خاطر

جانے ان جانے رستوں پر

کچھ نقش بنانا چاہتا ہے

بنجر پامال زمینوں میں

کچھ پھول کھلانا چاہتا ہے

یوں نقش کہاں بن پاتے ہیں

یوں پھول کہاں کھلنے والے

ان بدن دریدہ روحوں کے

یوں چاک کہاں سلنے والے

بے باک لہو کو حرمت کے آداب سکھانے پڑتے ہیں

تب مٹی موج میں آتی ہے

تب خواب کے معنی بنتے ہیں

تب خوشبو رنگ دکھاتی ہے

khwabon se tahi be nur ankhen

har sham nae manzar chahen

be chain badan pyasi ruhen

har an nae paikar chahen

be bak lahu

an dekhe sapnon ki khatir

jane an jane raston par

kuchh naqsh banana chahta hai

banjar pamal zaminon mein

kuchh phul khilana chahta hai

yun naqsh kahan ban pate hain

yun phul kahan khulne wale

un badan darida ruhon ke

yun chak kahan silne wale

be bak lahu ko hurmat ke adab sikhane parte hain

tab mitti mauj mein ati hai

tab khwab ke maani bante hain

tab khushbu rang dikhati hai