کھلے سے چوک چوبارے نہیں ہیں

کھلے سے چوک چوبارے نہیں ہیں

نگر میں اب وہ نظارے نہیں ہیں

گماں توڑیں گے جلدی آسماں کا

پرندے حوصلہ ہارے نہیں ہیں

طلب ہے کامیابی کی سبھی کو

ہمیں اس دوڑ میں نیارے نہیں ہیں

بنا بیٹھا ہے جو اب شاہ اس نے

بھلا کس کس کے حق مارے نہیں ہیں

ہیں جتنی خواہشیں من میں بشر کے

گگن میں اتنے تو تارے نہیں ہیں

سبھی کو دیکھیے مت اک نظر سے

برے کچھ لوگ ہیں سارے نہیں ہے

انہیں بھاتی ہے آوارہ مزاجی

کہیں کیسے وہ بنجارے نہیں ہیں

khule se chok chaubare nahin hain

nagar mein ab wo nazzare nahin hain

guman torenge jaldi asman ka

parinde hausla hare nahin hain

talab hai kamyabi ki sabhi ko

hamen is daur mein niare nahin hain

bana baitha hai jo ab shah us ne

bhala kis kis ke haq mare nahin hain

hain jitni khwahishen man mein bashar ke

gagan mein itne to tare nahin hain

sabhi ko dekhiye mat ik nazar se

bure kuchh log hain sare nahin hai

unhen bhati hai awara mizaji

kahin kaise wo banjare nahin hain