دل کی آنکھ سے خیر کے سارے روشن منظر دیکھنے والو!

دل کی آنکھ سے خیر کے سارے روشن منظر دیکھنے والو!

حد نظر تک پھیلی ہوئی سب روشنیوں سارے رنگوں کو

ہات سے چھو کر دیکھنے والو!

بستی بستی گلشن گلشن ہنستی ہوئی ساری ہریالی

سب شادابی دل کے اندر دیکھنے والو!

دل کے نور خزانوں کا ایک ایک چراغ جلائے رکھنا

امکانوں کے ہر کوچے میں امیدوں کی ہر منڈیر پر

مستقبل کے ہر رستے میں خواب کی جوت جگائے رکھنا

جگنو سورج چاند ستارے

جب تک روشن ہیں یہ سارے

ہم آواز دئے جائیں گے

تم آواز ملائے رکھنا

dil ki ankh se khair ke sare raushan manzar dekhne walo!

had-e-nazar tak phaili hui sab raushniyon sare rangon ko

hat se chhu kar dekhne walo!

basti basti gulshan gulshan hansti hui sari hariyali

sab shadabi dil ke andar dekhne walo!

dil ke nur khazanon ka ek ek charagh jalae rakhna

imkanon ke har kuche mein ummidon ki har munder par

mustaqbil ke har raste mein khwab ki jot jagae rakhna

jugnu suraj chand sitare

jab tak raushan hain ye sare

ham awaz diye jaenge

tum awaz milae rakhna