دشت بے نخیل میں

دشت بے نخیل میں

باد بے لحاظ نے

ایسی خاک اڑائی ہے

کچھ بھی سوجھتا نہیں

حوصلوں کا سائبان

راستوں کے درمیان

کس طرح اجڑ گیا

کون کب بچھڑ گیا

کوئی پوچھتا نہیں

فصل اعتبار میں

آتش غبار سے

خیمہ دعا جلا

دامن وفا جلا

کس بری طرح جلا

پھر بھی زندگی کا ساتھ ہے کہ چھوٹتا نہیں

کچھ بھی سوجھتا نہیں

کوئی پوچھتا نہیں

اور زندگی کا ساتھ ہے کہ چھوٹتا نہیں

dasht-e-be nakhil mein

bad be lihaz ne

aisi khak urai hai

kuchh bhi sujhta nahin

hauslon ka saiban

raston ke darmiyan

kis tarah ujar gaya

kaun kab bichhar gaya

koi puchhta nahin

fasl-e-etibar mein

atish-e-ghubar se

khema dua jala

daman-e-wafa jala

kis buri tarah jala

phir bhi zindagi ka sath hai ke chhutta nahin

kuchh bhi sujhta nahin

koi puchhta nahin

aur zindagi ka sath hai ke chhutta nahin